Як паведамляе Палеская Вясна, у Калінкавічах гаспадыню падворка, у якім знаходзіцца бел-чырвона-белы мурал, пачалі судзіць за пікетаванне.
Валянціна Яшчанка мае інваліднасць і перамяшчаецца на вазку
Валянціну Яшчанку вінавацяць у правапарушэнні паводле «народнага» артыкулу 23.34 — нібыта нанясеннем на плот унутры свайго падворка выявы вершніка на фоне белага і чырвонага колераў яна правяла пікетаванне.
Мурал з'явіўся 7 лістапада і ён бачны з вуліцы, якою ходзіць гарадскі грамадскі транспарт. Гэта моцна нервуе мясцовую ўладу.
Валянціну Яшчанку пачалі судзіць 17 лютага ў судзе Калінкавіцкага раёну паводле абвінавачванняў у правядзенні несанкцыянаванага масавага мерапрыемства — пікетавання. Справу разглядае суддзя Святлана Кугейка. Наступнае паседжанне адбудзецца 23 лютага.
Валянціна Яшчанка не прызнае сваю віну і заявіла хадайніцтва аб спыненні адміністрацыйнай справы. Жанчына паведаміла, што яна звярталася ў Міністэрства архітэктуры і будаўніцтва з запытам, ці мусіць яна ўзгадняць з нейкімі дзяржаўнымі органамі размяшчэнне нейкіх выяваў унутры свайго падворку. Мінархітэктуры адказала, што такога яна рабіць не павінна.
Флагшток