Зараз у Гомелі дзейнічае група з поўным працэсам навучання і выхавання на беларускай мове для дзяцей 3-4 год у яслях-садку № 152. Група была адкрыта ў верасні мінулага года. Таксама, паведамляе Белта, сёння працягваюць працу беларускамоўныя групы ў яслях-садках № 134, № 160 і № 161.
Флагшток паспрабаваў адшукаць на сайтах дзіцячых садкоў, якія пералічыла Белта, інфармацыю пра наяўнасць у іх беларускамоўных груп. Але ніякіх ўзгадак пра такія групы знайсці не атрымалася.
Летась сябры Гомельскага аддзялення Таварыства беларускай мовы паведамлялі пра існаванне толькі адной беларускамоўнай групы ў Гомелі ў яслях-садку 160. Чыноўнікі Гомеля абгрунтоўвалі адсутнасць у горадзе беларускамоўных груп у садках малой зацікаўленасцю бацькоў у навучанні дзяцей на роднай мове. А вось адміністрацыі дзіцячых садкоў тлумачылі сітуацыю тым, што ва ўстановах дашкольнай адукацыі Гомеля не хапае спецыялістаў, якія маглі б весці навучальны і выхаваўчы працэс на беларускай мове.
Флагшток